Wednesday, December 29, 2010

✍ bersajok,berdikir,berpuitis✍


Sesuatu untuk mengajak kita berfikir sejenak dan mengambil pengajaran. Bukan apa sekadar untuk membina semangat kita kembali!



Loni hatiku sesal kerno dulu dok ngaji,
Duk turut saing nakal ghoyak molek dok gheti,
Oghe jadi pegawa aku duk kampong jadi kuli,
...Pegi ceghuk ghuput kuba pete-pete ngasuh bighi,
Loni hatiku sesal kerno dulu dok ngaji.

Ayoh aku suruh koloh, sapa sekerat aku ponteng,
Aku duk maing dale ghok getah, ghama-ghama nge kawe,
Aku duk maing pelago guroh maing nusuk pekong ting,
Loni aku doh susoh baru duk mikir.

Kaing baju aku paka secondhand baghe kodi,
Jual tambung dale kedai, oghe lelong aku beli,
Kade basuh tok tangga, ateh tekok penuh daki,
Bokali tuan asal wat kain sapu kaki.

Saing-saing beli kheto, aku gelek basika bughuk,
Buleh binni tak payoh belanjo, kerna aku jadi pok sanggup,
Takdop aghoh nak susuk muko, bowok petai gendong beghuk,
Cari pitih samah dua kalu tidok dok berasap puyuk nasik.

Oghe ajok gi Kuala Lumpur, naik kheto api letrik,
Sapa stesen oghe sughuh turun, dok jupe pintu nok tubik,
Puah jerit puah meraung puah nyanyi puah nasik,
Budok kecik jah maghi tolong tunjuk jale pintu tubik.

Terra jugok aku khijo, isi bore jawate kasong,
Takdop sijil takdop gapo-gapo, terap cagar air liur,
Oghe putih temudugo, kecek sepatoh aku telopong,
Suruh picit komputo aku kesat air hidung.

Tolong la belajo panda-panda, anok-anok duk tengoh ngaji,
Loni baru aku kaba, kerna dulu aku dok ngaji,
Mace baghe takdop nilai, oghe hino oghe keji,
Adik-beradik pon tak hira, oghe lain apo lagi


Terima Kasih Bace Entry Dalam Blog ni

0 suka senyum:

Related Posts Plugin for WordPress, Blogger...